Ka um nak cu Norway a si. A tu hi tang hlei 14 nak ka kai chuahmah lio asi ko hi, Norway nih cun ”fjerde påbygg” an ti mi si, Phundang cun UNI kai khawh nak lam asi.
Norway hi um a nuam ngai ka ti, ziah tiah cun, Ram a dai, Mipian tha, Fingtlang a dawh tuk, Mah nih khin thinlung a deih terngai ka ti. Norway a that lonak pakhat te cu, Khrihfa asi mi hi an tlawm tuk. Cupin ah Khrihfa si hrim khi an duh ti lo.
Hmai lei ah si kho ning ti ka duh mi cu Pathian rian tuan, Mibawmh kho mi si zong ka duh ngai, nain Pathian nawl asi ko zeipaoh hi, Amah ka bochan. Mirum ka si tik ah cun kan ram, Misifak le bawmh a herh mi hi ka tuah khawh cungin bawmh kazuam lai tiin saduh thah nak ka ngei.
Kan Laimi caah ka duh piak cem mi hna cu, Pathian hi a pakhatnak ah chia usih, Cun Pathian duh nak kha pakhatnak ah kawl hna uh si ti hi ka duh,Cun thlarau le biatak in bia hna usih, Culawngah kan ram kan miphun hi kan thangcho lai i, Kan rum kan lianngan lai tiah zumnak ka ngei.
Rumnak le Damnak ah cun kei cu ngandam hi rumnak in ka duh deu viarmal. Ziah tiah cun rum hmanh ninglaw, Ka ngandamloah cun, Ka lung si vang lai cun zeihmanh a nuamh nak ka theilai lo.
Kan Chin Miphun nih social media hman ning hi kan thiam le thiam lo kha cu, pumpak cio ah a tla ka hei ti ko. Nain social media ah cun tam deu mino hi kan caan kan pek tuk deuh rua kati. Mah te ceo in zei dah kan caah a tha ti hi kan tuak ceo a haungai, Micheu cu Bibel rel caan, Pathian thangthat caan zong kanngei rua lo ka ti, Aruang cu Facebook, Snapchat tbt... hna ah hinkan caan kan pek tuk deuh. Cu pin ah pumh lio tibantuk ahcunMobile phone hna hi cu tongh lo ding a si ka hei ti ko kei cu.
Norway mino hi ka lung an ka tawng ngai ka ti, Aruang cu Pathian an duh, An piangthar pinah ca zong an i zuam, Cunfimnak lei zongah Pathian nih thluachuah a kan pek ngai ti in kahmuh.
Ka dang um mino, facebook in le adang social media in kahmuh khawh pah mi cu, Biak nak lei ah an fuam rua lo ka ti, nain mah kha cu keimah hmuh ning asi le ka palh kho men.
Ka lawm, Pathian nih thluachuah nak in pe ko hna seh :DNangzong Bawipa nih thlawchuah he in um pi ko seh. Fungte