2009 lio ah State dangah Khual kan rak tlawng. Cuticun Khrihfa buu leiin asi caah. Lunglawm tein kan vatlawm mi hna nih an inn tein an rak kan don. Cuticun tlun inn phot cio asi. An umnak Apartment maw an inn ah maw va tlun kan si. Cuticun nihnih nithum hrawng an inn ah an ngeih mi hrawm awk atha mi thil paoh cu kan i hrawm ahau. Tahchunhnak ah tthutdir nak tthutden-Solfa le ekinn te hna rawl einak kheng haileng tibantuk zong. Cun kuttawl nak le etc… Cuhna pawl cu i hrawm ve ahau. 2009 lio khua kan rak tlawn nak ah cun kan hawinu pakhat nih kei cu rawl zong ka ei kho lo. Ti zong ka kholh kho bak lo tiah ka sinah arak chim. Ziah zeiruangah dah rawl cu na ei khawh lo. Akholh zong nai kholh khawh lo tiah ka hal. Aka leh mi cu. Fungte na tlunnak inn le ka tlunnak inn cu zohnak le inn ngeitu hna hmuhnak bantuk asi lo. An inn chung ka luh bak in. An inn chung arim hi a celh bak in ka celh lo ati. Rawl kan tuah cang lai an vun ti lawngah khin an fanu kheng an ttawl ter. Zingka an einak kheng cu zanriah ei lai lawngah an ttawl. An rawl ei zoh tik zongah ka duk atla hrimhrim lo. Kai kholh lai tiah ti kholh nak ah ka kal i an ti kholh nak inn chung cu a buar bak in a buar i arim celh ding asi hui lo. Ka luak tu kai luak ati. Ka zun achuah caah zun inn ah ka kal tthan. Zunzun nak ding hmun cu ka hmuh hui i ka celh lo azual. Achungkhi cu chim lo atlang hrawnghrang hmenh khi ek pel hna i neh sehlaw ka lawh ter cucaah an inn tlun le nan inn tlunnak cu van le vawlei asi ko tiah ka sinah a rak chim. Ani hnihnak ah ka sinah ka tthial ter. Fihhnawmh timi hi kan mah ca lawngah siloin midang ca hrimhrim ah fihnung le teifiak asi. Nai thianhhlimh loah cun fihnung na si ko lai. Innlo hna that ngai i achung vun luh tikah Bahrum le Ngapih rim rumro hna anam cangah cun mileng le khualtlung caah ahar tuk hringhren. An hmai lei khah ding asi lo. Chinmi cu ai tlawngkai huam mi kan si. Hmailei zongah nan Khrihfa buu ah kadang State in Mino leiin maw Nubuu leiin maw Pastors te zong tiin Khrihfa buu i tlawn kai aum. Hmailei zongah aum peng rih lai. Cucaah kan inn le kan lo cu athian khawh chungin tuah khawh i zuam cio hna usih. Nan inn Carpet aum mi asi ah cun zarhkhat voikhat tel cu a tlawmbik na dawp piak ahau. Zelttuang asi ah cun zarhkhat voi hnih tel na tteih piak aherh. Ek inn-Ingta cu na ttawl zungzal awk asi. Nifa tein na zun na zun nak le na ek na ek nak hmun asi. Nan mileng nan khualtlung nih nan inn chung an rak luh bak in nan inn rim an celh lo ah cun umkhua anuam tilo. Cu i nan coka hrawngah rawlchuannak hnawmhne le a tlawttlau mi a um. Kheng ttawl dinghna i pon tung. Ek inn luh tikah le celh a silo ah cun nan mileng nan khualtlung caah cun ahar hringhren ko. Hihi zapi calawngah asi naisai lo. Acheukhat hruaitu upa le Pastors te inn ko ah hmuh ton asi ttheu. Cucaah kan i thiamhhliamh deuh awk asi. Kanmah kan pum le kan sam kan thuam bantuk tein kan inn le kan lo cu thianhliam deuh ko hna usih. Culawngah na khualtlung mileng caah nan inn cu dotla asi lai. Na khualtlung an i nuam lai, An i lawm kho lai. Note// Ttial awk hmenh atlak lo. Nain mitam ial inn ah kan ton mi le kan hmuh mi asi caah ttial awk asi ve ko rua tiah ka ruah. Reltu nan cungah ka lawm. By-fungte Lungthin Hliphlauhnak ah ATha lo maw Nu le Pa le unau hna tuah ve usih law atha hnga lo maw timi ka vun thai lai, Lungthin hilphlauhnak ah atha lo maw? U.S ah hin kum 10 deng ka um ve cang. Hi chungah chungkhar tein Summer caan ah maw or Christmas evnt caan ah maw tiah lengah Picnic or Vacation khualtlawng mi kan um lo tuk deuh rua ka ti. Kum khat chungah rian lawngte kan ttuan. Rianttuannak in ttin hnu ah rawl kan chuang, ahmin in kan ei. TV hram ah maw or Computer kam ah maw? Acheu cu ca tibantuk zongcu a rel kan um pah. Fanu fapa le a zohkhenh mi lawngte cu kan si ko. Tahchunhnak in vunla ninglaw, Nikhat ni –Monday in zingah a ttuan mi nih zing suimilam 6:00 A.M or 7:00 A.M in thok asi. Zanlei pa 3:30 P.M or 4:00 P:M ah inn ttin asi. Inn phanh hnu ah rawl chuanh khin le inn hnokhnai tuah I zinglei caah rawl rawn pah in i kholh ttawl in zan suimilam pakua hra ati menh hui cang. Ih acu cang zinglei atho ding caah cun. Cuticun Monday in Friday tiangcu tlolh lo tein rianttuan nak ah kal ahau. Acaancaan le bangah cun Overtimes(OT) ttuan hna aum le Zarhte ni – Saturday tiang attuan zong an um. Cubantuk tthiamtthiam in Zan caan – 2Shift attuan mi caah cun zanlei Suimi pa3 tluk ah I thawh in rian domh ve ahau. Zan Suimilam pa 12:00 A.M or 1:00 A.M ah inn phak asi. I kholhttawl nak in pa 2 tlukah ihnak phanh asi. Cuticun Monday in Friday tiang rian nih chun he zan he akan nanh. Ka hawinu achim mi cu Ramdang kan phanh I rian kan ttuan bantuk hin Lairam ah rianttuan usih law, Kan rum lohmenh ah kan si cu afak bel lai lo ati. Ahman ngai ka ti. Hika Ramthumnak ah hin Rian felfai tein attuan ko mi cu asi afak bel lai lo. Rum kongcu kan ttial lai lo. Arum mi kan um loh tiawk kan sirih caah. Ka heichim duh mi taktak cu Rian lawngte kan ttuan kan tha adi kan baa tuk cio hna. Cucaah Kum khat ah voikhat tel cu Lengchuak kho hna usih. Holiday tibantuk I sel in chungtling tein kan umnak State khua Zoo tibantuk or Mesuem asiloah Park tibantuk zoh awk le hmuh awk ah aatlak deuh mi hmun le hma ah kal kho hna usih. Lamhla na huam le atha deuh chinchin aih kan baa deuh lai tiah nati asi hmenh ah nan khua State ah hmuh ding le theihawk tampi aum ko lai. Cucu zeitin kan tuah khawh lai tiah cun. Kumkhat chung Calendar ttha tein check hmasa, Cuhnu ah zeitik ah dah arem lai, Zeitik ni dah Holiday asi. Kan Khrihfa buu hna ah cawlcanghnak aum el maw? Kaltak awk an tha lai maw tiah zohchunh. Kumkhat chungah Holiday tampi aum cio ko lai. Cuchungah cun kan chungkhar tein tukum cu khika hmun ah khin Vacation kan hmang lai timi biakhiahnak tuah. Na kal hlan tein ahmun le ahma zong google searh tuahhmasa, Cun na kal nak ding ahmun kong zongkha an Website ah rel ta hmasa ah atha. Khoika leiah dah Car Parking lot asi. Khoika leiin dah enterest asi timi theih hmasa ah atha. Suimilam zeizat chungdah kan kal lai timi zong nan fa le he nan kal hlan tein theih ta hmasa ah atha bik. Asiah cubantuk lengchuah le khualtlawn cu amiak nak aum maw? Kan hlok lai maw? Miak tuk, Nan hlok tuk. Nan theih lo kar, Na hmuh lo kar in nan chungkhar cungah thlawchuah nak sungbik aa chap lai. Nan fa le nan chung tein tukum cu cuka hmun ah Vacation or Picnic kan kal hna lai timi thlakhat or thla nga ai duh in na chimh mi hna hmenh ah khan i ngai nak (excited) nak nih tamtuk lungthin anuamh ter cang. Anithla anai deuhdeuh lai. Nan I ngeih deuhdeuh lai. Ani taktak tikah tha anuam tuk cang. Lunglawm tein chungkhar tling tein nan kal nak dinghmun ah nan kal kho lai. Nih le kheh nak in nan khat ko lai. Kan hmuh bel lo le kan thieh bel lomi thil tampi kan hmu lai kan thei lai. Family hmanthlak nan ti lai. Family Video nan ti lai. Lawmhnak in nan khat ko lai. Kum khat voikhat te nan kal nak ah nan State chung i Zoo or adangdang hna asi ko ah cun $300 tluk hmenh nan dih lai lo. State dang asi ah cun $500 atlawm lei asi lai. Ramdang ah asi ah cun $20000 tluk nan dih lai. Kan dih tuk lai cu? Nan dih minak in nan hmuh tonmi kha cawk khawh lomi asi deuh. Nan dihmi le nan thabat mi nak in nan chungkhar lawmhnak in hmunkhat teah caan nan hman khawh mi kha cawk khawh lomi le thlen khawh lomi thil asi deuh. Hmailei ah na fanu na fapa aupat tik ah na fanu na fapa nih an philh te lai lo. Nan thazaang atlawm tik ah an mah nih kha ka hmun le hma ah khan an fa le he maw, Nan tu le he an in kal pi ve te hna lai. Asiah Chungtling tein khual tlawn le lengchuah cu lungthin hliphlauhnak lawng asi ttung lo. Chungkhar ah DAWTNAK ahram bunh than le chungkhar dawtnak feh ter chinnak asi. Cucaah Nu le Pa hna nan thabat le nan retheih nak vialte zong Kumkhat ah voikhat te lengchuahnak nih a dam ter khawh lai dakaw. Khualzong tlawn ve, Rian zong ttuan ve ding asi. Cucaah Khual zong tlawng ve cang hna usih. Kan umnak khua chungtel ah cun. Siaherhnak he…. Tlangval/Ngaknu caah cun adang tein kan rak thai tthan te lai. Nan fa le kan ngon tuk cang. Kan nu le kan pa le he hmunkhat teah lengchuah kan duh tiah tanghra akai lio mi Nu Sui nih aka ti. By-Fungte Chinram laifang ah a ummi [ The Heart of Chinland ] Hakha khualipi nih a tonmi kokek rawhralnak hi Pathian nih tharchuah a timh caah a si timi cu caan nih a fianter chin lengmang tiah ka hmuh. Kan lungput kan thar chuah lai, Kan vawlei kan fing le kan tlang kan tharchuah lai, kan inn le kan lo zong kan thar chuah lai. Kan lo thawh le kan thingpurh zong kan tharchuah lai. Ka nuncan ziaza zong kan thar chuah lai. Kan lungput hi miphunpi lungput in kan tharchuah la. Chinram a laifang ah a ummi kan si bantuk in nule pa dirhmun in kan dirhmun kan tharchuah lai. Lungput pical ngeih kan zuam lai, peng dang nakin lungsau thinfual kan I zuam lai, dawtnak le zangfahnak thinlung zong a hlei in ngeih kan I zuam lai. Kan miphun cungah zaanghlei cawi lungput ngeih kan zuam lai. Dawtnak, zangfahnak le thlachiat ruahnak lungput in kan tharchuah lai Kan ram dawtnak thinlung zong kan tharchuah lai, Kan fing le kan tlang ah tingkung, pangpar phuntling cin than kan I zuam lai. Va phuntling, saram phuntling lenak ram ah kan tharchuah lai. Kan fing le kan tlang hna hi dollar phaisa hmuhnak caah kan tharchuah lai. Chokhlei, dingdi, senri, vaurawng le thingkep par hna nih kan tharchuah lai. Hakha khualipi cu sui khualipi ah kan ser than lai, city planning tein kan tharchuah lai I, Falam lam lei le Thantlang lei lam ah khua thar in kan thar chuah lai. Kokek rawralnak ruangah umnak a ngeih lomi hna caah International standard tluk dawh in inn le lo, lam le sul kan thar chuah lai. Hakha City Hall nganpi zong ngeih kan I zuam lai. Shopping center nganpipi zong ngeih kan I zuam lai. Chin State parliament innpi zong kan ngei cang lai. A rauh hlan ah Hakha collage kan ngei lai I, University sianginn ah kan tharchuah kan I zuam lai. CCC sianginn zong CCU sianghlerun ah kan tharchuah cuahmah lio a si. A rawkmi sianginn, biakinn hna zong a dawh bikmi le a fek bimi inn le lo ah kan tharchuah lai. Pathian nih kan khua le kan ram tharchuah a duh bantuk in kan lungthin le lungput zong tharchuah a duh. Kan tonmi thil vialte hi hmailei ka kalnak laam thluan caah hmuhsaktu le fimchimtu lawngte an rak si. By - Salai Lairam Thang Pu Khar te inn chunkhar hi an tarual ngai. Ahniang leipoh hi sianginn an kai hna, Upa lei poh hi loo lei ah sianginn an kai ve cuticun harsa ngaiin nifa te an mah le an rian cio ah ni an tla zungzal. Har le sat cangah cun Khrihsamas kumthar lawngah hin an chungkua tein ar an thah tawn. Cuticun kum khat voihnih khat taktak te khi an nih sa ei caan cu asi tawn. Zarhte ni zanlei ah ruahlo piin a fapa Upa Bik Ram Ling cu Mizoram in arak tlung. Ram Ling hi tangnga arak si lio ah ramtangmi siahngakchia sin tlak ah arak tli mi asi. Siahngakchia ah thlathumfai (training) akai hnu acelh ti lo i arak zam cuticun Mizo ramah kuli ttuanin kum hleikua arauhhnu ah arak tlunhi a si. Cu caah an chung tein an i lawmtuk Pu Khar nih cun Pa Lingnu hungzohtuah hi nafa patlau atu inn arak hlam canghi angan-lianh cangninghi zohtuah. Kafa tiah Pa Lingnu cu amitthli tlak bukhin ka fa tiin inn chungah an hunglut thilsiningcu an i hal an i chim. Pu Khar nih cun khah Mang Herh na u Ram Ling atlunghih kan arpi ati lio kha vadawk law tuzan cu kan pastor le kan khrihfa upa pawl he thlacam nak kan ngeilai. Aw ka pa atipah khin an arpiti lio der lei ah cun avakal. Zanlei suimilam pa 4:30ah khin an pastor le khrihfa upa pathum he an inn ah cun an hunglut Pa lingnu nih cun aw nan hung cangmaw hunglut uh..hunglut uh tiin avan don hna. Khah Mang Herh na nau le va auh hna thlacam nak kan ngei lai hih. Mang Herh nih cun an inn lengpar khin anau le cu hunglawi uluai rawl kan eicang lai hi tiah avun hlen hna cu acheu chakhlei in acheu tlanglei in hnawm phengphung khin an rak i cheihcio i an inn ah cun thlacam pumhnak cu an tuah dih khin Pa Ling nu nih tlawm tein vun um tarih uh. Pa Lingpa sa hungcan tiah aheiti le Arsa cu acen dih in cite a heiphulh pah khin ahlawh len cuticun an cabuai apum mi cu an vun kulhdih khin an pastor pa nih thla kan cam lai tiah amen cu an vun ti tlawmpel ah Pu Khar nih aaaa kan nih chunghi Sakhuh-savo kan ngeidih le tipah khin afale cu an mah le an sakhuah-savo cio in avun phot thliahmah hna ahnu ah amah a sakhuah atawdop kha avun i lak ve.(Atawdop hi arak thawtuk mi a si ruangah apa nih atawdop ei cu ningttih nak a si tiah afale arak hlen hna- an rak kan hlen cio) cuhnu ah an mehkheng cu cabuai alai phit te ah ahei chiah. Cu hnu ceo ah Pu Khar nih cun khah nan mah le nan duh mi cio ilak uh Pastor pa i thim ko tiah heh tiah ahei forh hna. An pasotr pa le an khrihfa upa pathum cu an hmai chiah nak zong aum loh kaathaw lo le meh lo in an khim diam. Zeidek an i meh hnga ka ti. Pasarih khuasa an si. Pa hleikhat bak te Arpum, pumkhat te ei ding cu cupin i ati deuh mi cu an mah chungkhar unau tingcio tein an sakhuah-savo an pa nih avun phot dih fawn hna. Hi tuanbia nih akan cawnpiak mi cu. Mah calawng khua atuak tan mi. Mah innchungkhar ca sakhuah-savo lawng atuak mi an si. Amah duhmi a tlamtlin ah cun apoi ah achia lo mi. Amah khengah a duh mi sa a um ah cun midang nih zeidah an ei lai tiah a tuak lo mi. Amah khrihfa buu lawngah dir a duh mi, An mah inn chungkhar a tlamtlin nak ding asi ah cun zeibantuk thil hmenhah ningzah zong athei lomi a hngal lo mi Pu Khar te inn chungkhar bantuk an si ko hnga. Sakhua tiah kan auh nain Sakhua cu a si lai ka zum loh le Sakhuah ka ti zapi theih nak ding cun Savo khi a si ko. Ka lawm arel mi nan dihlak. BY- Fungte Tawite biahal kan duh hmasa, Na mit na chinh ah zeidah na hmuh? Zeibantuk khuadah na ruah tawn? Na mit acawt ah ta? Khua ahmu lomi nu, Khua ahmu lomi pa zungzal chanchung nupi pasal caah na cohlang kho ve hnga maw? Voikhat ah Catherine timi nu pakhat aum, Amui aa dawh, Apumrua zong a tha ngaingai te. Nain aa chuah pimi amit tucu khua ahmu lo. Phundangin amit acaw. Anungak cang. Tlangval duh hna zong athei ve cang. Cucaah ningzah tibantuk zong ahmang. Cu lioah amah arak duhdawtu, An no deuh lio tein arak kilkawi (take cared) tu Jonathan timi nih khuazeika akal hmenhah akilkawi i a lumhrilh sualnak hnga lo cuticun azulh dawi tawn. Acaan asau cang. Jonathan zong nupi ngeih acu cang. Nikhat cu Jonathan nih tidilkam (Beach) kam ah akal pi…thlizil an hrang. Catherine zongcu aa nuam ngaingai ve. Cuticun Jonathan nih tilawng hmete cu azah piak pah in cu tidil cungah cun an lengti. Catherine na nuam maw? Atucaan teah hin na nuamh nak na theihtawk ka chim tuah tiah ahal, Jonathan ka nuam tuk. Thlizil ahrangmi thawng ka theih,Cun tihna zong ka tawnghpah khawh, Cun ka lungthin zonganuam tuk. Nangta na nuam ve maw tiah alehpah in ahal ve. Jonathan cu arak celh tilo. Amittli atla,Van lei acuanah vandum aa dawh tukmi ahmuh hui. Akun tthan tidil dawh tukmi zohah mitdong asimi cu ahmuh tthan. Pawngkam minung lengluai zong an i dawh nak ahmuh khawh hna. Catherine tunih cun muih nak lawng ahmuh khawh. Jonathan kan hal mi cu ka let hen tiah Catherine nih cun arak nolh tthan. Awh sorry… tiah amittli hnawnh pahin ka nuam tuk ve. Kei cu tizong ka hmuh, Kan pawngkam minung zong ka hmuh hna. Tichung i atlawngmi nga zong pei ka hmuh hna cu. Kan cung van zong athiang tuk tiah achimh. Catherine nih cun aw asi maw? Jonathan aw..na van atha tuk e. Nangcu mu. Vawlei cung ceunak na hmuh lawng siloin vawlei aa dawhnak na hmuh dih khawh. Mivantha bik na si. Kei cu mu. Vawlei pihi ka caah cun zanlawng te an si dih, Ceunak hi zei asi zong ka hngallo. Nihin tiah nan chim tawn mi hi ta zeikhi dah nihin cu asi hnga ka ti tawn. Aka hringtu kanu le kapa ka chungkhar hna hi an mah hi maw asi tiah hmuh ka va duh hringhren hna mu. Pangpar zong arim lawng ka theih tawn. Aa dawh tuk naka ti arim naka hnimh ter tawn. Aa dawh nak hmuh ka duh tuk ve. Cun nangmah hi ahodah na si timi zong hmuh kan duh tuk. Ka nunchungah hin voikhat te cu hi Vawlei ceu nak pihi hmukho ve ninglaw ka nun hi san atlai ve ko hnga. Vawlei cungah ka duh bik mi cu ceunak asi. Cu ceunak cu ka mit athat lawngah ka hmuh khawh lai tiah apawng teah aum zungzalmi a dawtu bik Jonathan achimh pah in amittli cu aatlak. Jonathan zongcu acelh te acelh hrimhrim lo. Alungchungin zeiruangah hme keimah tuhna hi ka mit cawt ko loin mahtluk anun anem mi amui zong aa dawh mi Catherine tuhna hi amit acawt hnga tiah vansan in ruahlo le ruahlo zong aruat phah. Catherine asicun bia kan hal tthan lai. Nanun chungah na duh bik mi cu CEU nak asi na ti. Keizong nih ka duh bik mi aum ve. Zeidah asi na duh bik mi cu? Ka duhbik mi cu ka nunchung ka thihhlan ka nupi sidingah kan thim cucu vawlei ka nun chungah ka duh bik mi cu asi tiah Jonathan nih cun ati. Catherine cu a thinhung na ka nehsawh cubantuk cu, Kei cu ni fate na ka zohkhenh mi pei ka si ko. Mitcaw ka siruangah mah bantuk cun ka dekcawk ti hlah ka lung afak chinchin lai tiah aka leng cun ati. Alungchung khua aruah mi cu ka duhdawt bik mi na si ko nain na caah ka tlam atling lo. Khua ka hmuh khawh lolawng asilo. Aho na si timi zong kan hmu bello. Cun keimah lila hmenh ahodah ka si timi zong ka hngal lo. Zeibantuk muisam dah ka ken zong kaa thei lo. Na caah mithi pei ka si cu tibu khin a ik len. Asikun ah cun keimah hi nangmah heisilaw keihi nangmah bantukin khua hmukho hlah ninglawteh zeitin dah na ruah hnga tiah Jonathan nih cun ahal tthan. Kei cu mu khua ahmu mi cu sininglaw mu. Vawlei pi a dawhnak hmunzakip ah khual ka tlawng hnga. Cun keimah bantuk in khua ahmu lomi amit acaw mi hna cu ka duh hnga lo. Na theih ko cuteh. Amit acaw mi cu micheukhat lebangnih cun mihrut pei akan ti ko khi tiah pianghlang tein aleh. Cuticun zanlei ni atlak pah cang caah inn lei ah an ttin. Cuzan cu Catherine acelh hrimhrim lo. Ka duhdawt tuk fawn. Jonathan hi asinain acaah mithi bantuk men ka si fawn. Hmuhmi pakhat zong ka ngeih ttunglo. Ka caah muih nak lawngpei aum ko cu. Ka caah zan timi lawngpei aum ko cu. Chun timi cu aum ttunglo. Zingzan rawl ka eimi hi zeidah asi. Zeibantuk dah an si timi hmenh ka theih ttunglo. Jonathan nih ringawn dawh tuk aka tum piak dahlo cu ka caah hin vawlei hi asungmi aum ttunglo hme tiah Catherine cu acelh chungin a ih nak khan cungah attap. Cubantuk in a dawbik tu tlangval Jonathan tunih cun zeitindah ka dawt bikmi nih hin hi vawlei ceunak le atu ka zohmi cung thlapa hi ahmuh khawh ve lai. Keimah hi ahodah ka si timi zong aka hmuh khawh lai. Anu le apa achungkhar hna zong hi hna maw an si tiah ahmuh khawh ve hna lai. Amah lila zong mahi maw ka si timi aa hmuh khawh ve lai. Vawlei pumpi aa dawhnak zong ahmuh khawh ve lai timi lawnglawng anih tunih cun aruah mi asi. ‘Khua amui, Ka mit acaw Khua aceu, Ka mit acaw Ka mit ka chin, Khua amui An Chim tlanghruan dawh Hmuh ka duh tuk ve Thawngpang lawng ka theih Ka theih mi thanwgpang hmuh ka duh ve Arim lawng ka theih Amui hmuh ka duh ve Ceunak ka caah ahar ko’ Thla thum tluk arauh hnu ah a ihnak ihkhun cungin Catherine cu an vun thawh. Amit tuam puan cu huansam tein an phoih piak. Tlawmpal ah amit cu an au ter. Alau in alau aa nuam tuk ah hin. Ceunak pi cu ahmuh khawh ve cang. Aanuam tuk. Asinain ahodah ka nu asi. Ahodah ka pa hi asi timi bel athei hna lo. Phundang cun ahmuh bel hna lo caah asi. Na nu cu keimah hi ka si tiah anu nih avun chim ceo in ka nu tiah amitli tlak buin arak kuh. Ka pa ka nau tiah an chung tein an i lawmhnak mittli cu an thlak. Cuticun inn lei ah an ttin. Azan ah lawmhnak puai an tuah. Cunglei azoh zantlapa amah lawng aum mi ahmuh. Arfi ttial tete ahmuh hna aw himaw zan asi. Zan hmenh ah pei ka mit athat ah cun khua arak ceu hi ati. Athaizing khua adeu atho i khua acuan tlangthluan dawhdawh azoh. Vawlei pi aa dawh nak cu vuaihngal loin acuan zungzal. A caah umhar ni aum tilo. Hitluk hin maw vawlei pihi aa dawh ati. Thlalang abih aw mahhi maw ka si aa ti amui adawh. Apumrua atha. Hawikom tampi angei cang ahawinu lak ah a dawhbik asi fon. Cuticun kum litluk hnuah mang pakhat amenh. Cu amangah cun amit acaw tthan. Amit arak cawt lio i adaw bik tu Jonathan zongkha ahmuh. Lautuk in arak i hlai. Kanu ka pa rak ra uh hi ka mit aa rawk tthan rua tiah a au. Anu le apa nih zeidah acang tiah an hal. Amang cu achimh hna. Aw asi maw? Jonathan cu aumnak zong kan thei tilo amit pei acawt ve cu tiah an chimh. Alau tuk ziah ka mit acaw lo tiah aka ti cu. Amit maw acawt ve tiah anu le apa cu ahal hna. Aw a mit pei acawt ve cu tiah anu le apa nih an fanu cu an hlen. Cuthok cun Catherine caah ceunak cu muihnak in akhat hui cang. Jonathan cu khawika dah aphanh? Jonathan hi zeidah acan timi cu a cauk in rel khawh asi te lai.
Ahlan lio ah hin khuapakhat (Hriangkhan) ah hin thangse tii tiva thekte arak um.mah lio cu Mizoram lei ah khualtlawn nak in karak tlung i tiva kal ka ngeihtuk ti'n tiva cu kakal ve i sio kathla cuticun ka nuam ngai chuncaan aphak ca'h chuncaw ei ah tlangkam lei ah khin ka va kal i chuncaw cu ka va ei, Ka ei dih tlawmpel ah tiva kam ti putte ah khin ka kam cu ka vatawl lio ah aw pakhat katheih i mipate... mipate...tiin ka khuaruah har ko! Cuticun bia cu kan i ruah i aka chimh mi vial. Thangse tiva : Ahlan lio ah hin cun keimah thangse tiva hi anrak ka dinduh lomi tiva karek te khi ka si Hrizun hna nih an kangerh khim i ka luan nak ding hmenh hi tthathi in ka harhngai vaa tete hna le ramsa hna lawng nih anrak ka din i an ca'h cutluk te lawng cu man karak ngei asinain culia caan te in nga hi kazua cun cerh(sih) tete hna ti'n kan rak um len veko.Kati hi akik i a kading duhmi hna ca'h cun karak men tuk i an awrti zong arak riam ve ton. Cun ahlan ah cun an rak kafuh duh lo. kapawng i aum mi tiva rek pawl nih asinain 1995 kum belte ah khan nawng atlung i cuti cun kasin ah anrak i fawn hna,Anrak i fonh ah hin kei nih cun lunglawm tein ka don ko hna nain an mah le an mah rem lo nak in an rak i hrocer hna i anrak i khok hna lungmisi tiva labang nih cun athinhun nak langhter can ah Hakha cawzul pawl zong arak fenh hna i an nun nak zong aliam phah.Remlo nak in ankhah lio ah zeibang ti awk tthahlah tiin an nucen cupei kasi cu tiin ka fa le hna nan mah le nan mah cu i si in i do hlah uh ti in ka tlangtlak tawn hna cuticun anlung attha i nuam tein kanluangtti hna cun kasin i arak i fawn hmasa mi cu sihkhur hi asi i anih hi ramsa tam pi azua mi le cangai tam nak asi.Cun tuan deuh kan chimh cangmi lungmisi kha asi le anih hi an thoknak ah cun Vomkuava tiah ti a si. Nga zong azua ngaingai mi asi ve cun lungmili aumve.Anu apa ruam cun aum ve asinain kan khua nichuak lei i Laaw timi lungmili linu lipa ti mi he cun tahchun awk tlak lo asi.Amah Laaw zong cu nai manh caan ah valeng vete law. Athlang deuh ah Lungpiva timi nih maw ka nu arak ti ve i kasin ah arak i fon hoi anih hi lung puampi kuhlung apongah aum caah lungpiva tiah minpek asi. Athathnem nak hi thalcan vokvai nih dinti ah anhman mi kiik ringriang tein aummi asi.Keimah lawng cu hih tlangkip nih anka kulh dih i achak lei cun luan awk kattha lo i kanu nasin ah ti'n kasin ah arakluang ve cun thal caan ah cun lungko le ngaikuang khorhnak ah cun athahnem tuk ve mi asi. adang vattek tete hi cu chim an hau tiah karuat loh hawibang in chuahpi taktak mi anum lemloh le ka ti! Fungte: aw aw Thangse: Keimah kong cu tlawmpel cu kan chimh cang nain kei hi Sihkhur va he hin kan i semnak aakhat deng i tlawmpel ka luan ah Mizoram kalnak Thaulam lei ah Saisih lam nanti mawcu mahkhin anka tan i an duhduh in anka hman acheu sumdawng ca hrimhrim hin cun menka ngei tuk hringhren anuam kati ve ko.Asinain kathin ahuntawn micu nankhua pin lei hna nih Thantlang in O.B timi zu(Phio)nak ah anka hmen ah hin kathin hi ahungtawn cun kava luang deuhdeuh i asum lei ah hin Salen lam ka va tan hoi. Hika hin hlei aum lo ca'h acaan i furpi hna asi ah hin cun anka tankho tawn lo..Cuticun kava luang i Laaw timi vapi he kan vaitong i anuam kati ve ko,Kailunghmui cembik mi cu keh he orh he leikuang lawngte ka siam.Hriangkhan khuacheu cu kacawm diam hna. Cun aka kulhtu hi keh he orh he tlang sawhsawh siloin lopil ttha tuk ah an cangfawn ancaah attha hrimhrim ko kati hi Hriangkhan khuami hna caah hin cun kanmah tiva tete hna le tlangtete hna hi an ca'h hin men kan ngeikhun ko rua tiah karuah. Fungte: Asi hrim cucu.... Thangse: Mipa te atu nanchan ah anka hman ning le nan ka sawmsam ning kan chimh rih lai mu ngaiko rih law nasio thlak mizong cu nasio pah kocang hih. Fungte: Aw si ka ngeih ko lai. Tangse: 1995 lio i nawng arak tlun thok khan atutiang hi cu tiva kawrphun cun ka va umcang i kaluang cang asinain thal achuah i ni biatak in a linh ah hin cun ka celh ve lo i ka reu nak cu aum ve hmeteh kan chimhcang kha kei cu kasem kate ah cun tiva rekte lawng kasi kan ti kha, Atu nan chan ah hin cun nga hringdawi nan ti siothlak nan ti mah hna hi cu apoi ah ka chia lem lo. Asinain para thlei nan ti nan kathlei hmenh ah hin hru nan ti hoi i ka zuatmi nga vialte cu a ahme he angan he an thi dih a chinchap ah khual in arak tlungmi nan ti i Bom nan ka puah ah hin cun ka zuat mi hnga hna cu chim lo keimah hmenh nih ka celh lo i van ah ka hlirh afah in afak i acelh kacelh lo Dainamo nan ti hoi i ka zuat mi ahme he angan he an thi dih keimah zong nih alin mi hi cu ka celhruam ve loh nantheih ko lai keimah ti le mei ai ral cu nantheih ko hme cu hi hna hi cu ka celhbak lo mi an si hna kazuat mi nga hna zong nih apoiloh anti i keimah zong fah nak zeihmenh an ka pe loh,Cun acheukhat nu nau/hngakchia hna nih cun ka tiva chunghna ah hin an zun an zun i an ek an ek keizong cung PATHIAN ser mi dawkaw kasi ve fih cu ka theih ve ko dakaw Vawlei ah zun-ek nak ding hmun pi aum ko mi keimah chungtheng ah nan zun-ek hi cu ka ngeih achiat ngai can aum ttheu. Achinchap ah Nungak no tete le Nutung patung hna tleirual hna nih thilpuan lo hna in an vun i lio ah khin cun kaning azak tuk hringhren dakaw ka chim cangkha keizong fih le ningzah le fah nak athei kho mi kasi ve ko dakaw PATHIAN siammi kasi veruang ah asi. Mipate na caan sautuk kan lak sual lai cuca'h cun bia kan cah lai hivial te kan chimh mi hi ahman mi ansi hna cuca'h cun na miphun vialte kha vachim hna ka nun khua a saukhawh nak hnga le thiangte in umseh ti nan ka duh i nga tam pi zua kho seh ti nan ka duh ah cun thianghlim te le zohdawh tein ka hmang cang hna seh,hi vialhi si rih seh. Ka tuan bia tawi te zong cu vachim chih vete hna law khah asicun damte in vatlung ko ne nasio pah ko hih tuzan cu keimah theutheu anka mawhchiat te ko lai hih... tthate in nakan kil vengloh tiah hehe. Fungte: Aw si khah nangzong thianghlim tein um i zuam kan ca'h thathnem nak ngei zungzal ko. Cuticun Thangse tiva nih aka chawnhbiak caan cu adih i kahnaa kavun tthial cun nika tlangpar te ah aum cang i tiva kuanghna cu adul dih cang. khuaruah har ngai in inn lei ah katlung i khua mi hna cu ka chimh hna lai kati ko nain atuchan ruah nak cun ahruh le amolh hi zeiko dah achim asi kho lo anka ti sual hnga tiphan ah ka chim hna loh asinain hi ca tu hin arel mi paoh nih theicio dingin kan sawm hna. Thangse tiva calawng siloin khawika tiva paoh hi kanmah minung nih hin thianghlim te le duh nung tein le azuatmi nga hna hi zohdawh te in kilven le zohkhanh cio hna usih tihi a kansawm duh bik micu asi rua tiah karuah asile mahvial le Idea. By-fungte Note// edit lo in ka vun shares top ko hi. Maw Iang ngei Lylypar kan ngai tuk menh ko hih.Acu ngai nathinlung ren cu nati men hnga keizong karuah phak lo in thlitu lak ah kal ve hrat cu ti awk ttha hlah athuh nak bik kathinlungchung in nasin ah biachim ka duh tuk mi te um i kachim hnik asinain kalungchung ah achuak mi cu kan laiphung ah natuah hlan ah ruat hma sa ti mi nih K tei,Acu ngai kan laiphungthluk(Aleih theih)lo cu ti hin sawh hlah ahman taktak mi asi kho. Kha caan lio kha cu kadang Buu ah hoikomh nak(Flowship) hawikomh nak kan ngei hna theih nak le hngalh nak tuah hlah kaw zeiruangdek asi hnga kan hruitu fel lo khi alo ngai nain acheukhat ca'h cun sullam angei kho mi ah cang ve hoi ai.thlawmpel ah kan P.T biak nak caan hna cu kan vundih cang cun thawngtthachim zong a ttha tuk.Acheu nih kan ttin cang lai tin an ruah kan ruah lio caan ah ngaknu tlangval hna hawikomh nak kan ngei tahna lai mitkug gkab tiang tin Upa te nih thawng an vunthanh cu acheu ca ah cun aduhdaw mi hna ca cun thinlung anuam i zeithluk in dah an i lawmh nak cu an duhdawt bik mi cung ah langh ter an duh khun culio ah keizong cu thlapa maw ka lawmh deuh nikaa hhen ka lawmh deuh tiah keimah lei keimah cu ka tahchun len asinain (Leader) pawl nih hawiphung le lam ningin anti lai cu,Atucu thut nak kan siam lai an vun ti cu nulepa cu karlakthlak in kantthu cio hna acheukhat ca cun lungatling cubantuk cun acheukhat ca cun lungatling ve lo mizong kan rak um ve aruang cu a ruahawk athei lo mi ca'h tibia,thut nak ansiam dih cun capo cu anvun thok ciammam cu ttha arek naa fakpi in anii na nihuaha lo in thinhung nawn in aum mi ti'n cuti cun kan suimilam acheu cu aliam hawi ai cuti cun caan cu akalcuah mah ve i karuah nak kathinlung zong suimilam bak tuk hlah maw asi hnga zeidek zanthut ti hrat cu lengchuah pah hna haukaw ihrim nak ah ti'n leng ah dak ti ah kava chuah cu dum pakhat chung ah hlah maw ka va luh ko khi ka lawh ter cudum chung cun kavak ve cu par dawhdawh an enn i an tizu thlum hna cu palep le khuai hna nih an dawp piak hna i an kungcung ah an i fu hna i anlungthin ti a riam khun hna keizong cudum chung cun ka chawk deuhdeuh i cu dum cu adawh tuk in ka hmuh i keizong hipar hi atlenhkho ding ka si ko ti'n karuah ko asinain pangpar hna ka zohdeuhdeuh hna i asen tuk mi an um i arangtuk mi le anaak tuk mi ansi hna cubantuk cun dumkam lei kaheiphak ah khin palep le khuai zong nih an tket lo mi khi ka hei hmuh cu adawh tuk i kaduh colh asinain katlet ngam hlei loh i atizu zong ka dpm ngam hlei loh.Sihmenhsehlaw papei ka si cu kati i kava neihdeuh i maw Lyly pardawh te aw nakungcung ah ka fu kho maw tiah ka ve hal cu ziah rak i fu ko hen ajati asinain ka zumh lo ca'h ahling nih akachunh sual hnga maw ti'n kavun nolh cu achunh lai loh hling a ngei mi kasi lo avun ti hawi ai kalungchung in maw ka vanthat cu ka ti asinain akati mi cu maw palep dawhte aw adang khuai le palep bantu cu nasi lai ka zumloh tiah ann nem te in acun kati cu kathin atur i adang pardawhdawh hna cu kaltak in cu iang ngei Lyly pardawh te cu ka vatlet ve atizu thlum cu kadom i athlum deuhdeuh i a zuam tak kasiang hrimhrim loh cu ca'h maw Lyly pardawh te aw nasin ah azungzal in nasin ah ka um lai ka vun ti cu, Maw Palep dawhte kei cu dumchung ah aum mi ka si i ruah asur lai ni alin lai i na um khawh ttun lai lo avun kati cu a tizu thlum ka dop pah te cun zeitluk hmenh in ruahsur seh niizong lin seh thlichia zong hrang seh nasin in ka tthial ti lai loh.maw palep dawh te aw kei cu a uai kho mi ka si cuca'h pardang dawhdawh an um ko hita keicu hawipar hmenh katluk tung lo cun tizuthlum zong kangeih tunglo.zeitluk hmenh in hawidang cu tluk hmenh hlah law keika ca'h cun hivulei dumdawh chung parvialte lak ah iangngei bik sullam angei mi lyly pardawh ah nacang e, ka vunti pah khin kathla te apardawh te cu ka vun zah i amerh nak mithmai te cu kavun dop.Maw lyly pardawh te aw athlenglengmang mi vulei thil sining cu ralchanh in kan i dawt nak zungzul in hmunh ter usih donglo muihnak hmenh phan ning kan dawtnak nangsin in aliam lailo.zeithil hmenh kancung ah tlungseh law kan i dawtnak afek chinchin lai,kankar lak ah thentu thil um len hmenhseh zungzal dawtnak in kantei lai,nanglekei karlak ah dawtnak dah ti lo,thildangseihmenh umter lo in zungzal lengti usih,zungzal lengti kuttlai in dawtnak donghnak kan phak hlan tiang in zeihmenh nih hrawhkhawh lo in cerhti putbang thianghlim te in hmai ah kannawr lai.cungvanram kanphak hlantiang kavun ti khin mizapi cu nuamnak in innchung lei cun anrak chuak i kanttin canglai ancun ti.Maw palepdawhte kaphilh hlah mu zumhawk tlak te in kasin ah rakkir tthante ti in lyly par dawh sin cun katthang diam ko. By-fungte Duhnak hi I cawnpiak khawh a si ko lo maw? Asi ko rua. Tahchunhnak vunla usihlaw. Pu Thio techunghi chungkhar pumhnak an tuahtawn cuahcun Pathian thangthatnak lawng a si lo. Fanu fapa nih an herhlai timi cawnpiak nak hi Pu Thio nih a chimh cawmpiak tawn hna. Voikhat cu an fanu Cerku kha khuapii ah sianginn kai ding a si caah an chungkua tein thlacamnak an ngei apa nih kafa nu Cerku khuapii sianginn na va kai nakah Pathian theite le felfai tein um nai vaizuam lai cun miphun kip nan vai i cawh lai cucaah miphundang duh le uar vatim hna hlah. Cu asiloah cun hmailei na caah harnak an pe tu le nai chirnak a si lai tiah achimh cawnpiak. Cerku cu khuapi leiah sianginn kai ah akal. Cu bantukin Cincin zongcu anule apa nih khuapii sianginn kai dingin an timhtuah ve i a va kai ve. Asinain Cincin nu le pa belnih cun khakongkau kha an chimh cawnpiak lo. Cincin anu le apa hi milungtluangtlam an si kan tilai maw, Amah nih a duh mi tlangval paoh vavaa te ko seh an ti hnga. Mi holhlo kan ti laidek. Cu caah khuapii ah cun an vaphan cu caah Cerku le Cincin cu inn an hlangtti. An sianginn kai nak ah hawikom tampi an ngei an mah miphun a si lo mi zong nih nungak an si ruangah an rak lenduh ngaingai hna. Hika zawnah ruahawk pakhat aum ngai mi cu Cerku anun ziaza le Cincin anun ziaza hi an i dang hrimhrim lai. Zei caah tiah cun Cerku cu anu le apa nih Miphun dang na uar lai lo i na duh hna lai lo. Na duh-uar hna ah cun hmailei ah na caah harnak a si lai cun nai chirpinah na miphun sinak in na tlau hram aathok nak a si lai tiah an rak cawnpiak mi kha ahnaatlam a lungchungah cun aum hrimhrim lai. Alawk tha lo a si ko. Cincin belcu khakha zeihmenh aruat lai lo ruahawk zong athei lai lo. Alawk aum ve lo. Cu caah Cerku nih cun hawikom sawhsawh in a hei chawnhbiak ko hna lai nain Cincin tunih cun a duh zong i duh ko i pasal tiangzongin a duh ko hnahnga a ruah ko hnga. Cu caah Duhnak hi cawnpiak khawh a si ko ti kan hmuh. Ahngakchiat lio tein na ek ka khin na ek lai tiah chimhmi hngakchia cu kum 4-5 an si tikah cun chimh an hau ti lo an mah tein ekinn an thei cang. Cu bantukin fale a chimcawn piak ve lo mi cu kum 10-11 an sitiang zongah an i ceh an duhnak kip hmunhma ah an ek ko. Cu bantukin Duhnak zonghi chimhcawn piak loah cun Duhnak cu amit acaw timi ceo kan i rinh i kan fale kan chimhcawn piak hna lo ah cun kan Laimi ngaknu dawhdawh le pumrua ttha mifim deuhdeuh poh cu ramdang caah an tla ko lai. Atla cangmi hmenh zeiti tha. Asullam fianh ka heiduh bik mi cu uar nakin duhnak ah kal cu afawituk. Duhnak cu i cawnpiak khawh a si ko. Dawtnak belcu i cawnpiak lo zongah dawtnak cu aum kho ko. Ri angei lo. Alawk um lo a si ko. Note// Love is Blind timi cauk hmete ka relmi ah aum i ka thiamning tein ka lehmi a si. Nupawl ca deuh a si. Pahi cu ramdang nu kan tthi loh tiawk asi. BY-Fungte Kum Thar Lawmhnak nan cungah um ko seh. A siah kum thonghnih le kum thum nih zeidah an phorh ve? |
AuthorWrite something about yourself. No need to be fancy, just an overview. Archives
March 2016
Categories |