Tutan cu U S A, California State ah aum mi Van Dawt Sung, Dawtku he kan I tonnak a si lai. Dawt Ku cu Kum 24 mino te a si. Arih - weight hi 110lbs a si ii asan- height 5'3" a si. Atu hi California state ah a um ii U.S. a phak nak kum nga deng asi ve cang. Tu lio cu College kum hnih nak a kai lio a si ii hmailei a sa duh thah cu Nurse si kho ning law ti hi asi. Dawtku cu ahmanthlak bantuk tekhi asi ko. Minak kan ti men hnga, Anaak lemlo. Minak iangngei timi khi amah bak hi asi ka ti. Vun zoh cio ko ulaw mu. A uar ngai mi cu hla sak, mi ttamhmoh le mi sam tuahto hei ti pawl zong hi a huam ngai fawn. Kawl ram lai tlang lei le U.S. ka phak hnu ka nun nak thlen nak ka hmuh mi cu lai tlang ka um lio ah cun zei hmanh tuah awk thei loin kai manh can hi tam tuk ka nei nain U.S. ka phak hnu ahcun manh can hi a har nga ngai cang. Cawn ding le tuah herh mi a tam tuk tik ah a can hi man nei tuk. Kawl ram lai tlang tlun hi kai timh bantuk in ngaih zong kai ngaih tuk mi si. Nai Hakha ah har nak kan ton mi hi kan mi phun caah cun sungh za tlak nak tak tak si ii ngaih zong a chia tuk thawng pang ka theih tik ah a si nain mah har nak kan ton ruangah hin PATHIAN lei kar kan hlan chin nak le kan chin Miphun nih ram le miphun caah dawt nak le zawn ruah nak kan neih nak tu a si lai tiah ruah chan nak ka nei. Hi ka a ram thum nak ii kan chin mino hruai tu CYO u pa pawl an cawl cangh ning hi cu tha tuk tiah ka hmuh an mah tha zaang chuah nak thawng in Lai mino pawl zong an kan fun tom ter tiah ka ruah. Khrih fa bu then kong ah hin kei ka hmuh nak ah cun PATHIAN hi a hmasa bik ah chia u sih law cu bu kha bu tibantuk ah hin cun kan buai lai lo tiah ka ruah. Kan chin mino le upa pawl sin cah ka duh mi cu kan si khawh tawk cio in PATHIAN ca le kan miphun caah thazaang chuah cio hna u sih ti hi cah ka duh mi hna cu asi tiah a kan bia kan dongh ter.
|