Cowboys Khua Dallas, Texas in Muidawh mifel taktak asimi Chin Chin hmurka tawi theih kan duh cio men lai.
Amin cu Par Chin Tial asi. Dawtnak in Chin Chin tiah an auh. Chinchin cu kum 22 ati lio. Atung: 5’1ft, Arih: 105Lb Atu hi Dallas-Plano, Texas U. S ah aum. U.S ah Kum 2004 khan an chungtling tein an rak phan. Atuhi Nursing major in Texas Woman’s University –TWU siangsang ruun a kai lio a si. Aw hmai lei i si ka duh mi le tinh mi cu Nurse si kho ning tihi asi. High School le University ka kai chung ah hin Pathian thawgin awards ka hmuh mi chungah kai lunghmui cem mi hna cu , National Honor Society, Top female Student, Female Student of aweek, A honor Roll, Honor Society Omega Rho Alpha hna hi an si. U.S ka umchung, kum 14, 15 hrawng ka siah hla sak voi 2 ka rak i zuam bel i Pathian thawngin pakhat nak veve ka rak hmuh. 2006 CYO Fashion show zuam nak ah pakhat nak karak co bel. 2011 CND miss zuam ah ka rak i zuam bel nain karak ngah lo hehe…
Pasal ca ding ah ka duh mi chim ah cun tamtuk hehe a pakhatnak ah Pathian lei ah a hrinthar mi asi pinah Laipa a si lai. Fimthiam nak lei zongah ai za mi asi lai, Keimah a ka daw mi sipin ah ka chungkhar amah chungkhar dawttluk in a daw kho mi asi lai,Pa asi bantuk in pa nih thiam aherh ngai tiah ka ruah mi Sports lei le music leiin a ti kho ngai mi asi lai, Atha thu lomi le ai thianhlimh mi asi lai. Minung cu atlingmi- perfect dihmi kan um lo bantukin atu ka chim mi vialte a tlinh mi hi cu an um lai ka zum lo, Pathian nih ka caah a tha bik mite a ka pek mi kha ka co hlan te ko lai. Atu lio hi cu sianginn lei le rian lei ah biatak deuhin caan ka pek caah tlangval cu ka ngei loh. Ramdang mi vat hi a sual cun ka hmu lo nain keimah caah cun kai tinh mi cu asi bak lo.
Pathian nih talent aka pek rua tiah ka ruah mi cu hlasak asi. Keimah zong nih ka huam bik mi zong asi. Kai manh can ah ka tuah bik mi cu, hla ngeih, biazai tial le hla tial, mi nih Blogs tete an tuah mi rel hi Facebook ka luh ah cun ka hmang ngai, Korean Drama zoh zong ka hmang, kanau le rual he Restaurant kal le vah zong hi ka tuah tawn mi si. Hangout kan ti lai cu.
Kawl ram laitlang lei cun karak hngakchia ngai i, U.S ah hin a zei zong tein kai thleng ko rua ka ti. Asinain pakhat te kai thleng cem rua tiah ka ruah mi cu kawlram laitlang lei cun ca zuam nak lungthin ka rak ngei tuk a ruang cu hnek tu le situ karak ngei, U.S ah cun kha bentuk khan asi ti lo. Minung hi tih tu kan ngeih ah hin ca hna kan i zuam khun rua.
Laitlang tlun ko cu pei kai ngeih tuk cu. Ka can le money hna ngeih deuh tik ah ka tlung hrim ko lai. Ka kal tak mi kapi le ka pu le adang kan chung khat pawl ka ngai tuk cang hna. Kawlram pumpi siseh, Hakha ah nai thil a cangmi kha zoh ah ngeih a chia kho tuk cun lungre zong thei bak. Karuah nak ah cun Bawipa nih a kan dawt tuk ruangah an kan chimh hrin nak a si ko lai tiah ka ruah, Vawlei cung chaw le va inn le lo hna hi Bawipa ai tel lo ahcun pakpalawng an si kha fiangtuk in a lang. Pathian nih kan ram cu a hlan nak in thangcho ding in le dawh deuh in a kan ser piak than hrimhrim ko lai.
Khrihfa buu kuai - then hi cu kei cu athat nak lei nak in a that lo nak ka hmuh khawh deuh. Tak sa lei cun buu then hi a tha ngai ko lai aruang cu peng le tlang hna kan van i tenh deuh, member zong kan i biatak deuh, Khrihfa upa tuan bel lo zong an tuan kho, Hla sa bel lo zong an van sa ve , etc. A bia pi bik tu kan ngenh deuh, Pathian hmai kan bit ter deuh tiah ka hmuh. Lai tlangval hi cu tutiang a ka chawn mi cu an bia chim tha ngai ko.. Remh awk ka thei lem lo... Nai uah tuk ti hi an thiam ngai rua ka ti hehe…
Thil hruk aih kongah hin cun mah le style cio in hruk ah poi lo ka ti ko nain Biakinn tepawl ahcun a (yin) lei paoh hi a tha...Acaan te zohthiam kha a herh bik mi si ko.
Social media hman hi Laimi chungin ahman thiammi tampi lakah a thiam ve lomi zong tam pi kan um ve. Nu le pa zongnih an hman ngai ve cang i caan thlau lak le mitfak lakin a zoh mi le a thu mi kan tam ngai... Miak nak a chuah pimi cu tawngpang tete kan i thei hna cu hlei ah Pathian bia le hla zong rel cawk lo le ngeih cawk lo an si cang. Lai tlangval hi cu tutiang a ka chawn hnik khat te hi cu an bia chim tha ngai ko.. Remh awk ka thei lem lo... Nai uah tuk ti hi an thiam ngai rua ka ti
Chin mino vialte sinah chim ka duh mi cu, khoika kan um nak paohah hin Bawipa dawtmi fanu/fapa ka si ti hi i thei peng hna usih law that lo nak kha that nak in i tei ter hna usih. Zeithil kan tuah paoh ah Bawipa sawm hna usih law i bia tak hna usih tite hi chim ka duh. Ram dang kan pem tuk mi hi atha lei in ka hmuh ko aruang cu harnak chungin kan luat i kan ram a si fak mi kha kan cawi mawi khawh deuh tiah ka ruah. Education lei zongah kan Chinmi vialte hi kan thangcho tuk tiah ka hmuh.
Ka lawm tuk hi bantuk biahalnak na ka ngeih caah God Bless!.
God bless you too. Fungte