Kei mah ka min cu Dawt Hlei Tial asi i dawtnak in Dawtku tiah an ka auh. Ka nu le ka pa cu Pu Hmun Lian le Pi Ngun Pen ( Tikir veve an si) Keimah tucu Thantlang ah ka chuak. Atuhi kum 26 ka ti lio asi. Katung - High 5’3’’ Karih- Weight 110Lbs ka si. Falam ah tanghra ka awng. College or University cu peh menh loin Malaysia kum 2008 ah khan ka phan ve. Cun PATHIAN zaangfah nak thawngin Nov 11 2014 ah khan Dallas TX ah ka phan ve. Atuhi Dallas TX ah khua ka sak lio asi ve. Nursing lei kai dingin lungchung cun timhtuah nak ka ngeih lio asi. Pasal caah hin Keimah personal catu ah cun le ka duh nak ah cun mah miphun khatte hi attha bik ko tiah ka ruah. Atulio hi tlangval cu ka ngei rih lo. PATHIAN sinah thlacam lio asi ko hih. Keimah pasal cadingah cun Bawipa atih zah mi le, zei dir hmun a si poahah teirial nak lungthin he hmailei kar ahlang mi. cun atha thu lo mi hehehe:)) Ka zuam phun ka Hobby cu Inn thianh hlimh, Carel cun ka thiammi hna cu Fashion le Makeup ttamhmoih nak hna hi an si.
Harnak ngeihchiatnak tiah cun atam ngai ko nain abik in cun., Zeibantuk har nak katon caan zongah nu cen cuh khawh nak ka ngeih hi asi. Cun., Zeibantuk chungkhar in dah ka rak sem timi hi fiangtuk in aka hngalh ter khun. Fimthiam nak ah kan Miphun zuamchih kan hau rih ti hi si. Hmailei kong cu tampi kan chim kho lo nain dirhmun nih a pek tik caan aphak cun a tlung ko lai. Atu lio Laitlang i kan ton mi hi cu Hakha lawng silo ii kan "Chinram" hmun tampi an si ko. Mah puicimh hi cu minung lei kamh sinak cun a ruah awk ahar ii ngaihchia hringhran ko. Sihmanhsehlaw, Pathian nih kan miphun caah zei dek akan duh piak mi a si titu kan ruah le kan kawl awk asi deuh.
Malaysia tthut tonak ah cun ahohmanh nih zungzal umnak silo ti lungthin kan ngeih cio tik ah Mino/ Upa i hrihruai nak cu ahar hrim ko lai. Community in CRC ti bantuk hi fekthup le thawng taktak in adir khawh pengah cun ahopoah nih bochan mi le lungdai deuhin kan tthudir kho lai tiah ka zumh. Khrihfa buu tthen nak kongah, Ram kip um Khrihfa buu tthen-kuai nak kongah hin cun Pathian pakhat nak chiah khawh lo ruangah le keimah ti nak lungthin he mipi hruai kan hman caah sibik rua tiah ka hmuh ning cu asi. Kan Miphun tthancho nak dingah hin tampi chimding cu ka ngei lo. Asinain kannih Chin miphun mino nih fimthiam nak hi fak piin kawl uh sih law atulio kan buaibai len mi buu i then le sifah nak te hna hi cu kan doh khawh te ko lai ti hi si. Ramdang kan um ruangah kan Chinram zong kan lehthal tuk tiah mithmuh in theih khawh asi. Naitan Chinram i kan tonmi harnak hna khan Ramdang um mi nih tam ngai te kan bawmh tiah ka ruah. Kan cozah bawmhnak nak hmenh in atam deuh men lai. Ka palh lo ah cun. Cucaah ramdangah kan Chinmi kan um zonghi thil tha tuk asi ka ti. Aluan cia ah CYO hruainak in Tournament an tuah, Ka khuaruah lei ahar mah tluk in maw Chin mino hi U.S ah kan tam ko ka ti. Mah hmenh ah khin ara lo an tam ngai lai va si kaw..Ramdang ah zeizat remruam dah an um rih lai. Mah mino 100% ah 60% telcu fimnak a cawngmi kan si hnga lo maw? Kan men hrimhrim te lai lo. Hmailei ah cun Ramdang aum mi nih hin kan Chinram te khi a cawm hmenh kan i tha te lai lo ka hei ti. Kan bia zong asau kan hngawl cang lai lo maw? Fungte Thank You.