K L C C –Malaysia ah aum mi kan Lai lengdawh Khinkhin asi. Amin Khin Hlah Sui, Khin Khin tiah dawtnak in an uah. Alai min cu Iang Din Sung asi. Khin Khin cu unau pali lak ah Upa bik fanu fangkhat asi. Anu le apa cu atu hi Indiana, Indianapolis, U S ah an um. Amah zong caan rau loah a phan ding asi ve. Kum 22 ati lio. Atung- Hight 5’4ft. Arih- Weiht 54Kg asi. Laitlang akhua cu Salen asi. Yangon No.2 High School / Yuzana Garden City ah sianginn a rak kai. Hmailei ah si kho ning ti ka saduh thah cu keimah le ka si khawh tawk tein ka aw in siseh ka mui in siseh Bawipa sunpar nak alang ter kho mi Fanu si ka duh ati. Ka huam mi le ka thiam mi cu Hlasak le hla ngaih hna hi an si. Athiam zong ka thiam mi asi ati. Tlangval hamtu duhmi tibantuk cu ka ngei rih lo. Atuan deuh rih tiah ka ruah ko hih hehe…
Malaysia ka phanh hnu ah thlennak ka hmuh mi cu ka thei khawh bal lo mi le ka hngalh khawh lomi hngalh khawh nak theihkhawh nak ka hmuh caah kei mah pumpak in kaa lawm tuk thilthar tampi zong aka theih ter i aka hmuh ter tu Pathian ka thangthat. Malaysia cu sualnak zong atam i ttihphan nak zong aum.
Naitan Hakha nih vanchiat nak kan ton mi kongah keicu Pathian chimh hrinnak asi tiah ka hmuh. Micheu khat nih cun (tabawah) kokek in a cangmi asi an ti asinain keinih cun kancung i thil ti kho nih fim an kan chimhnak asi ka ti. Pathian nih thil pakhat canter aduh timi hi ka hmuh khawh ning asi. Tahchunhnak ah naiah a tubantuk in thil acan ruangah Hakha khuami vialte nih hmunkhat ah rawl ulh thlacam tinak an ngei vanchiatnak hmanh va tong ko u sihlaw hmunkhat te thlacam ti le hmunkhat tein Pathian kan thangthat ti mi hna hi Pathian nih hmuh a duh mi cu a si lai tiah ka ruah. Chim ka duh mi cu zeithil paoh hi Natural in kan ruah dih asi ahcun Pathian nih akan tinh piak mi kan hmukho lai lo Pathian mifa hna nih cun kan ton mi thilpaoh hi Pathian nih Akan duh piak mi thil pakhat aum ti hi ruah aherh zungzal. Cucaah kan Hakha ah acangmi cu kan biak kan Pathian nih akan duh piak mi aum. Amah leiah karhlan deuhnak asi ah cun thiltha zong achuak ko lai.
Kan Chin mino nih hmailei ah si kho usih ti ka duh mi cu Bawipa nih a kan pek mi fimnak siseh thiamnak siseh mah le cen tawk cio in kan mah le rian cio ah caan upat le rian upat cio hna usih law kan tthangcho cuahmah ko lai. Nihin mino, Thaizing hruaitu ti asi bantuk in kan ram le Kan miphun vial te sinah dinnak kan herh tuk hringhren. Pathian ttihzah buin le dinfel nak hi i tleih ko hna usih.