Norway, Egersund khua ah aum mi Lai Ngaknu Sui Cer Chin asi. Duhdawtnak in Sui Sui tiah an auh.
Atu hi kum 22 ati lio. High - 5`3ft , Weight - 47kg a si. Laitlang a chuahnak cu Hniarlawn a si. Anu le Apa cu Pu Tin Ttun le Pi Kawl Iang an si. Atu lio asianginn kai mi cu Service and Transport ti a si i a kumkhat nak a si. Hmailei ah si kho ning tiah saduh a thah mi cu Shop Keeper or Owner hi a si tiah ati. Kei hi biaknak lei cawlcanghnak Church activity leiah ka huam ngai, Kan Mino ah Assitant Treasurer tangka kengtu le Worship Leader ka si. Kan mino zong kan lung aarual cun kan I daw hna anuam in ka thei ngai. Kei ka huam mi cu Hlasak, hla ngaih le Gym tuah hi asi. Athiam zong ka thiam mi asi caah asi kho men. Hlasak tibantuk le Fashoin tibantuk ah khin ka zuam vetawn. Ka pasal dingah cun Ramdang pa cu No bak asi ko.
Norway ram ka um hnu ah ka dang ka tlawnnak bik hi Danmark a si, Denmark cu kan mah kan Biakinn mino in kumkhat voikhat ramleng kan chuak i cuah cun Danmark um Laimi khrihfa bu ah kan tlawng tawn. Laimi (Chin) nih social media kan hman ningah hin a that nak a tam ban tuk in a chiat nak zong a tampi ve ko lai, nain ka hmuhning ah cun a that nak tamdeuh in ka hmuh. A ruang cu, Thawngpang (news) an ttial mi bantuk cun hawikom aa tong kho tilo ding mi le a chawn kho ti lo dingmi hna kan vun i theih/chawnh khawh than hna caah hin a tha bik in ka hmuh khun nak a si. Facebook hman hi a hmanzia thiam ah cun a tha ko.
Nain ka uar lo ngai mi pahnih cu,
1. Ramthum nak in laitlang a tlawng mi hna nih sa/saram an kah nak hmanthlak pawl an post tik ah ramdang an hawinu hawipa nih an hmuh tik hna ah zoh a dawh cah lo ngai. Cun fih zong anung in ka hmu. An mah zong zeiah an rel hna lai lo.
2. Hngakchia kum 14 or 15 tang pawl i biatak tein Facebook an hman mi hna hi an si.
Ramdang mi he i komh a that nak
1. An nunning phunglam kan theih, nun kan thiam i an miphun holh kan i chap kho
2. Caan kan upat, rianttuan kan thiam i an fimthiam nak kan i lak khawh colh
Ramdang mi he i hawikomh a that lo nak,
1. Pathian an hngal ti lo i sualnak lei lawngah kar an hlang cang…
2. Miphun ngan an si caah an kan lawnh/dolh dih khawh i nunning phung aa khah lo caah chantlung in um tti le dawt khawh a si lo.
Laimi mino vial te nih hin a pakhat nak ah Bawipa kan i bochan zungzal dinghi a biapi bik. Laimi kan si nak i zahpi loin kan mah le kan pahrang, kan ti khawh ning cio in Lairam le vawlei caah i zuam hna usih tiah ka bia ka donghter ka lawm. Ka lawm ve. Fungte