Kum Thar Lawmhnak nan cungah um ko seh. A siah kum thonghnih le kum thum nih zeidah an phorh ve?
Kei a ka phorhmi hi dahngai a fiang bak loh. Chang, mutthai, bawngbi le angki...etc...hi pawl hi cu kum thar paoh nih a ka phorhmi a si ko i hihi cu an si lo ti a fiang.
Kum 2010 lioah ka rak hmuh bel i a min zong ka rak hal cuticun kum 2 renglo arauh cang caah aruahawk zong ka thei ti lo. Voikhat cu caan saupi hnuah ka vun hmuh tthan. pupa phungthluk ah rul le minung hmanh an i tong tawn an ti bang October 28, 2012 ah ka hmuh tthan i ka hei chawnh; a ruahawk a ka thei ti lo nain kaa chimsek. Cu ceo cun aho ka si kha a vun ka hliah khawh. (Ka vanttha kan ti lai cu) Cu tite cun kan i chawn lengmang i a cell-numbers zongcu ka hal i a ka chimh. ( saunawn aa ruah hnu ah a si lai dah ka ti hehe). Cu bantukin ca kan vai kua lengmang i phone zongcun kan i chawn i kan sining kan vai i ruah kei cu-cuka khua ka si, Unau macu zet kan si, ka nu ka pa cu cucu an si. kei ka nu bal tiah lungthiang tein kan vai i chim. A zia a ttha, a fim, zeithil paoh hi a tthatnak in a hmu khotu asi zungzal rua tiah ka hmuh ko.
2012 kum dihlai ah khan 12:12:12 cu tling kaw kei ka ca zongah sullam va ngei ai kun tiah kaa zohsekmi keimah auhnak cun Vanmi (Angel) ka hei ti ko. Cuzan cu 12/12/12 caan theng teah cun i ruat cikcek hnu ah ka lung chungah a ummi biafang pariat te cu ca in ka hei kuat i a dang cu ka chim ti lo. Phun dangin ka caah cun khakha sullam a ngei ngai te ca bia-cafang a si caah mitchin in biakamnak ka rak tuah.
Tlawmpal ah 2012 December zanah kan Biakinn ah Kum hlun thlahnak le Kum thar don dingin timhtuahnak ka ngei. Zan caan cu a hung si a tlai thliahmah 11:30pm a hung si cang khah a si cun Bible seh kan zuh ti a si kei zong cu ka zuk ve, keimah ca he amah ca he cun pahnih ka zuh. Ka zuhpiakmi cu Exodus 20;14 "Va cung pa duh siseh, nupi cung nu duh siseh, nan tuah lai lo." timi kha ruah lo taktak in ka zuhpiak i amah cu ka hei kuat colh i a nih caah sullam a ngei hnga maw ti cu ka thei lo nain kei ka caah cun Sullam a um ngai ko.
Cuticun thlacam ngeih tein Bible ka zuhmi keimah ca he amah ca he cun fek tein kaa tleih i thla ka cam i 2013 kum thar ah Amen ka pek i kum 2013 cu ka phanh. Kum thar cu sikaw zei miphun paoh nih Kum Thar cu lawm cio hna. Lungthin thar, Ruahnak thar, Ni thar, Kum thar tiin micheu nih Dawtmi thar an ngei, micheu nih duhmi thar an ngei zeizong te hi an caah a thar dih cikcek ko...etc... Kei bal ka caah zeihmanh hi an thar rua lo hlah maw tiah ka ruah biafang pariat komh tein ka chimmi kha ka caah Sullam a ngei dakaw khakha a tthin ningin a um peng ko rua. Phun dang in a khupthal na let lo i a thar kho lo.
Asinain anih cu Kum thar a lawm kho men. Phundangin mi thar a lawm kho men, tlangval thar a ngei kho men. Kumthar va lawm ai kun keimah caah si ko seh. hehe.. Caan aa mer ka chawnh lai ka ti a kut ken telefon (Hand-cell Phone) cun ka auh len nain a tlai lo, sinain ca cun kan I kua pah. Cakuat hi cu mu lung a hmui deuh hrimhrim loh, phundang cun di a riam kho lo.
Lungkil ne ah a cammi cu a umhar phengtu sawhsawh hna ka si ko lo hme maw ti ceo khi a si ko. Zei khom siseh ka thlaici tuhmi cu kheo ko seh.. A kung tha seh...tha ko seh..tha ko seh. A thei par zong tha seh....tha seh...tha seh..heheh Ka mit kaa chinh ttheumi cifate ka tuhmi biafang pariat te kha ka caah Sullam a ngei. A kheuh ka hngak zungzal i tuni tiang cu kum 2013 nih a ka phorh mi hi zei a si ti ka thei ti lo. Nan nih cio tah zeidah an phorh hna?
note// lenhloi asi. Asullam cu biatak asi taktak mi asi lo.
BY-Fungte
1 Comment
Bawi Hlun
3/25/2015 03:17:44 pm
Reply
Leave a Reply. |
AuthorWrite something about yourself. No need to be fancy, just an overview. Archives
March 2016
Categories |